Namangan viloyati IIB boshligʻi polkovnik Shuxrat Aliyev Toʻraqoʻrgʻon tumanida “qizil” toifadagi mahallalarni oʻrgandi
2023-12-20 13:00:00 / Yangiliklar
Bugun Boshqarma boshligʻi Toʻraqoʻrgʻon tumanidagi uzoq muddat davomida jinoyatlar salmogʻi yuqori boʻlib kelayotgan “Isvaxon”, “Toshkent” va “Kumidon” mahallalari xodimlarining faoliyatini tahlil qildi.
Tahlillar natijasiga koʻra, mazkur “qizil” toifadagi mahallalarda ijtimoiy profilaktika yoʻnalishi boʻyicha tegishli chora-tadbirlar belgilanmaganligi, mahalla xodimlarining oʻzaro hamkorligi toʻgʻri tashkil etilmaganligi tanqid qilindi.
Oʻrganishlar yakunida “qizil” toifadagi mahallalarda jinoyatchilikka qarshi kurashish borasida oʻzaro hamkorlikni mustahkamlash, hududlarga biriktirilgan xodimlarning masʼuliyatini yanada oshirish, joylarda videokuzatuv kameralari sonini koʻpaytirib, profilaktika inspektorining xizmat xonasiga integratsiya qilish va ushbu mahallalarda jamoat joylari koʻp boʻlganligi sababli qoʻshimcha kuch-vositalarni jalb etish boʻyicha topshiriqlar berildi.
Namangan viloyati IIB Axborot xizmati