Andijon viloyati hokimi o‘rinbosari va ichki ishlar boshqarmasi boshlig‘ining birinchi o‘rinbosari afv etilgan shaxslar bilan uchrashuv o‘tkazdi
2023-12-19 20:00:00 / Yangiliklar
Oʻzbekiston Respublikasi Prezidenti Shavkat Mirziyoyevning 2023-yil 4-dekabr kungi “Jazo muddatini oʻtayotgan, qilmishiga chin koʻngildan pushaymon boʻlgan va tuzalish yoʻliga qatʼiy oʻtgan bir guruh shaxslarni afv etish toʻgʻrisida”gi Farmoniga asosan Andijon viloyatidan 44 nafar shaxs afv etildi.
Joriy yilning 16-dekabr kuni afv etilgan fuqarolarni muammolarini oʻrganish va ularga yechim topish maqsadida Andijon viloyati hokimining jamoat va diniy tashkilotlar bilan aloqalar boʻyicha oʻrinbosari R.Arziyev hamda Andijon viloyati IIB boshligʻining birinchi oʻrinbosari F.Giyasovlar tomonidan sayyor qabul tashkil etildi.
Muloqotlar davomida afv etilganlarning muammolari oʻrganilib, shu joyning oʻzida masʼullar tomonidan hal etilishi taʼminlandi.
Andijon viloyati IIB Axborot xizmati