Qoraqalpogʻiston Respublikasi Ichki ishlar vazirligi binosida Ichki ishlar vazirining shaxsiy qabuli oʻtkazildi
2025-03-30 17:25:00 / Yangiliklar
Joriy yilning 29 mart kuni Qoraqalpogʻiston Respublikasi Ichki ishlar vazirligi binosida Qoraqalpogʻiston Respublikasi Ichki ishlar vazirining navbatdagi shaxsiy qabuli boʻlib oʻtdi.
Unda fuqarolar vazirga oʻzlarining buzilgan huquqlari, ichki ishlar organlariga oid, shuningdek, boshqa hayotiy masalalari bilan murojaat qildi.
Qabul davomida fuqarolarning turli masalalardagi murojaatlari koʻrib chiqilib, ayrimlari shu yerning oʻzida ijobiy yechimini topdi.
Shuningdek, murojaat qilgan fuqarolardan tegishli tartibda arizalar qabul qilinib, qonun va boshqa normativ-huquqiy hujjatlar doirasida batafsil tushuntirishlar berildi.
Murojaatlar qoʻshimcha oʻrganish va qonuniy yechim topish uchun ish yurituvga olinib, tegishli sohaviy xizmat rahbarlariga zarur koʻrsatma va topshiriqlar berilgan holda ularning ijrosi nazoratga olindi.
Qoraqalpogʻiston Respublikasi IIV Axborot xizmati