Samarqandda kuchaytirilgan reyd tadbirlari olib borilmoqda
2025-03-24 19:35:00 / Yangiliklar
Samarqand viloyatida jinoyatchilikka qarshi kurashish, yoʻl harakati qoidalarini buzish holatlarini bartaraf etish va YTHlarning oldini olish maqsadida kuchaytirilgan tungi reydlar davom etmoqda.
Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati va boshqa huquqni muhofaza qiluvchi organlar hamkorligida tungi xizmatga jalb qilingan xodimlar uchun xizmat oldi saf yoʻriqnomasi oʻtkazildi.
Shundan soʻng, barcha xodimlar Samarqand viloyati boʻylab kuchaytirilgan tungi nazorat tadbirlarini amalga oshirishga kirishdi. Reydlar doirasida jamoat tartibini saqlash, harakat xavfsizligini taʼminlash, huquqbuzarliklarni aniqlash va ularning oldini olish boʻyicha qatʼiy choralar koʻrilmoqda.
IIV Yoʻl harakati xavfsizligi xizmati Axborot xizmati