Surxondaryo viloyati masʼullari tomonidan Prezidentimizning 2025-yil 3-yanvar kunidagi PQ-1-son qarorlari ijrosi boʻyicha ishlar Uzun tumanida oʻrganildi
2025-03-20 19:00:00 / Yangiliklar
Surxondaryo viloyati prokuraturasi hamda viloyat Ichki ishlar boshqarmasi tomonidan Prezidentimizning 2025-yil 3-yanvar kunidagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi PQ-1-son qarori ijrosi yuzasidan Uzun tumanida oʻrganishlar olib borildi.
Xususan, ishchi guruh tumandagi kriminogen vaziyati ogʻir boʻlgan “Yangi yoʻl” mahallasida boʻlib, amalga oshirilayotgan tadbirlar bilan tanishib, masʼullarga bu boradagi ishlarni jadallashtirish yuzasidan topshiriqlar berildi.
Shuningdek, tuman prokuraturasida tashkil etilgan tuman muvofiqlashtiruvchi shtab va ishchi guruh aʼzolari tomonidan Qaror ijrosi yuzasidan amalga oshirilgan ishlari muhokama qilinib, tuman “Yoʻl xarita”da belgilab berilgan vazifalar ijrosini oʻz vaqtida sifatli ijro etilishini taʼminlash hamda amalga oshirilayotgan ishlar haqqoniyligini kunlik nazorat tartibida oʻrganib borilishi lozimligi taʼkidlandi.
Bundan tashqari, Davlatimiz rahbari raisligida Korrupsiyaga qarshi kurashish yoʻnalishida oʻtkazilgan yigʻilishda berilgan topshiriqlar ijrosi va yoʻl qoʻyilgan kamchiliklar tanqidiy muhokama qilinib, kelgusidagi vazifalar belgilab olindi.
Bu boradagi amaliy ishlar davom ettirilmoqda.
Surxondaryo viloyati IIB Axborot xizmati