Navoiy viloyati prokurori hamda IIB boshligʻi olis Uchquduq tumanida oʻrganishlar olib bordi
2025-03-19 15:50:00 / Yangiliklar
Yaqinda faoliyatini boshlagan viloyat prokurori Abduqahhor Mullajanov hamda viloyat ichki ishlar boshqarmasi boshligʻi Azat Tasbayevlar olis Uchquduq tumanida boʻlishdi. Tuman hokimligi va boshqa huquqni muhofaza qiluvchi organlar rahbarlari bilan birgalikda “Navoiy“ mahallasi yettiligi bilan uchrashib, “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi prezident qarori ijrosi boʻyicha amalga oshirilayotgan ishlar bilan yaqindan tanishdi.
Shuningdek, fuqarolarning huquqi va qonuniy manfaatlarini himoya qilish, ularning murojaatlarini oʻrganib, muammolarini hal etish masalalari muhokama qilindi. Oʻrganishlar davomida mahalla yettiligi faoliyati tahlil qilinib, vakolati doirasidagi vazifalari boʻyicha topshiriqlar berildi. Oʻrganishlar davom etmoqda.
Navoiy viloyati IIB Axborot xizmati