Shogird ustozi haqida. Ezgulikka oshufta dil
2025-03-14 16:00:00 / Yangiliklar
1998-1999-yillarda IIV Transport IIB Shaxsiy tarkib bilan ishlash xizmati, xodimlarni tarbiyalash va ijtimoiy huquqiy himoya qilish boʻlimida kapitan Gulnora Umarova bilan birga ishladik. Gulnora opa oqkoʻngil, samimiy, begʻubor, qalbi toza, mehribon ayol ekan.
960-yili Toshkent shahrida tugʻilgan Gulnora Umarova 1979-yilda Toshkent pedagogika bilim yurtini muvaffaqiyatli tamomlab, bir muddat bolalar bogʻchasida ishlagan. Ishdan ajralmagan holda, Nizomiy nomidagi Toshkent davlat pedagogika institutining defektologiya fakultetida surdo yoʻnalishi boʻyicha tahsil olgan.
1982-yildan 2010-yilgacha IIV Transport IIB Shaxsiy tarkib bilan ishlash xizmatida turli lavozimlarda samarali xizmat qilib, muhim topshiriqlar boʻyicha katta inspektor lavozimidan mayor unvoni bilan pensiyaga chiqqan Gulnora opa shaxsiy tarkib oʻrtasida tartib-intizomni mustahkamlash, xodimlar va faxriylarni ijtimoiy himoya qilish, xodimlarning maʼnaviyatini oshirish maqsadida oʻtkaziladigan turli tadbirlarda oʻz faolligi bilan ajralib turardi.
Hayot sinovlardan iborat. Bu sinovlar ustozimni ham chetlab oʻtmadi. 2006-yil umr yoʻldoshi Bahodir Umarov vafot etganda, ikki qiz va oʻgʻli bilan qoldi.
Ammo u oʻzini yoʻqotib qoʻymadi. Bolalariga ham ota, ham ona boʻlib, oq yuvib, oq tarab katta qildi. Ularning taʼlim-tarbiyasiga alohida eʼtibor qaratdi.
Bu oʻz samarasini berdi, bugun katta qizi Dildora Respublika estrada va sirk kollejida oʻqituvchi, Nilufar Oʻzbekiston davlat jahon tillari universitetining xalqaro jurnalistika fakultetini bitirgan. Ayni kunda bola tarbiyasi bilan mashgʻul. Oʻgʻli Sanjar esa xususiy tadbirkor.
Hozirgi kunda isteʼfodagi mayor Gulnora Umarova bir quchoq nabiralar qurshovida keksalik gashtini surmoqda. Farzandlar ishli, oʻqimishli va hunarli.
Bayram bahonasida koʻngli ezgu-likka oshufta ustozimni chin qalbimdan tabriklab, bu mehribon va qadrdon ayolga uzoq umr, xotirjam hayot, mustahkam sogʻliq va ikki dunyo saodatini tilayman.
©️ “Postda” gazetasi, Shuhrat Roʻziyev, isteʼfodagi podpolkovnik.