IIV huzuridagi Tergov departamentida 3D skaner texnologiyalari boʻyicha amaliy oʻquv kurslari oʻtkazildi
2025-03-14 09:00:00 / Yangiliklar
Yevropa Ittifoqining Markaziy Osiyoda chegaralarni boshqarishda koʻmaklashish dasturi 10-bosqichi (BOMKA-10) doirasida Ichki ishlar vazirligi huzuridagi Tergov departamenti bir qator loyihalarni amalga oshirmoqda.
Jumladan, hodisa sodir boʻlgan joyni koʻzdan kechirish vaqtida hodisa joyini 3D modelini yaratish orqali ish uchun ahamiyatga ega boʻlgan narsa va buyumlarni asl holaticha muhrlab qolish hamda tergov samaradorligini oshirish maqsadida BOMKA-10 dasturi tomonidan 3D skaner uskunalari taqdim qilingan.
Joriy yilning 10-12-mart kunlari 3D skanerdan foydalanish boʻyicha chet-el mutaxassislarini jalb qilgan holda ichki ishlar organlarining bir qator xodimlari uchun oʻquv-amaliy kurslar oʻtkazildi.
Oʻquv kurslari davomida qatnashchilar uskunaning imkoniyatlari, uni ishlash mexanizmlari va hodisa sodir boʻlgan joyni 3D modelini yaratish boʻyicha zaruriy koʻnikmalarga ega boʻlishdi.
Tadbir yakuni boʻyicha ishtirokchilarga sertifikatlar topshirildi.
IIV huzuridagi Tergov departamenti