IIV Akademiyasida Latviya Respublikasi Ichki ishlar vazirligi delegatsiyasi bilan uchrashuv boʻlib oʻtdi
2023-11-30 14:00:00 / Yangiliklar
Muloqot avvalida davlatlarimiz oʻrtasidagi mustahkam aloqalar, hamkorlikning barcha sohalarda jadal rivojlanib borayotgani eʼtirof etildi.
Delegatsiya rahbari Gatis Shvika samimiy mehmondoʻstlik uchun minnatdorlik bildirib, koʻp qirrali munosabatlarni yanada rivojlantirish muhimligini taʼkidladi.
Shundan soʻng mehmonlarga akademiya faoliyati, asosiy ixtisoslik yoʻnalishlari, taʼlim va ilmiy-tadqiqot jarayoniga tatbiq qilingan yangiliklar, xalqaro hamkorlik aloqalari haqida maʼlumot berildi.
Uchrashuv davomida taʼlim sohasidagi hamkorlikning huquqiy asoslarini mustahkamlash, jinoyatchilikka qarshi kurashish sohasida oʻzaro tajriba almashish, ilgʻor yondashuvlarni oʻrganish, kadrlar tayyorlash, professor-oʻqituvchilarning ilmiy-pedagogik salohiyatini oshirish boʻyicha istiqbolli dasturlarni ishlab chiqish va boshqa masalalar yuzasidan fikr almashildi.
Mehmonlar akademiya hayoti bilan yaqindan tanishdilar.
IIV Akademiyasi Axborot xizmati