IIV Jamoat xavfsizligi departamenti Yoʻl harakati xavfsizligi xizmati boshligʻi polkovnik Sherzod Ibragimov Samarqand viloyatida Prezident qarori ijrosi yuzasidan amalga oshirilayotgan ishlarni muhokama qildi
2025-02-27 19:00:00 / Yangiliklar
Samarqand viloyatida IIV Yoʻl harakati xavfsizligi xizmati boshligʻi polkovnik Sherzod Ibragimov Oʻzbekiston Respublikasi Prezidentining 2025-yil 3-yanvardagi PQ-1-son Qarori ijrosi yuzasidan amalga oshirilayotgan ishlar muhokama qilindi.
Unda viloyatda kriminogen vaziyatni yanada yaxshilash, qaror ijrosini taʼminlash borasida Samarqand viloyatida tuzilgan Shtab faoliyatini oʻrganish natijalari koʻrib chiqildi.
Shuningdek, IIV Yoʻl harakati xavfsizligi xizmati boshligʻi, Viloyat Prokuraturasi rahbariyati, Ichki ishlar boshqarmasi, Oʻzbekiston mahallalari uyushmasi va boshqa masʼul tashkilot vakillari ishtirokida joriy yilning oʻtgan davri mobaynida hududlarda mazkur Qaror yuzasidan ishlab chiqilgan “Yoʻl xaritasi”da belgilangan topshiriqlarning bajarilishi va kelgusidagi vazifalar yuzasidan maʼruzalari tinglandi.
Shundan soʻng, masʼullar Samarqand shahrining “Bogʻi saroy“ va “Devori Koʻndalang“ mahallalari yettilik faoliyati bilan tanishishdi.
Viloyat hududidagi “qizil” toifadagi mahallalarda asosiy maqsadli koʻrsatkichlar boʻyicha amalga oshirilishi lozim boʻlgan ishlarga alohida eʼtibor qaratib, manzilli ishlar tashkil etish, yangi tashkil etilayotgan huquq-tartibot maskanlarini belgilangan muddatda faoliyatini yoʻlga qoʻyish, mavjudlarini esa yanada takomillashtirish, kameralashtirish jarayonlarini jadallashtirish yuzasidan topshiriqlar berib oʻtildi
IIV Jamoat xavfsizligi departamenti Axborot xizmati