Sirdaryo viloyati Ichki ishlar boshqarmasida “Qiynoqqa solishga qarshi kurashish: xalqaro amaliyot va milliy tajriba” mavzusida maxsus oʻquv kurslari tashkil etildi
2025-02-27 09:30:00 / Yangiliklar
Oʻzbekiston Respublikasi Prezidentining “Oʻzbekiston Respublikasi Inson huquqlari sohasidagi Milliy taʼlim dasturini tasdiqlash toʻgʻrisida”gi 2023-yil 7-fevraldagi PQ-46-sonli qaroriga asosan joriy yilning 26-27-fevral kunlari Sirdaryo viloyati Ichki ishlar boshqarmasida Inson huquqlari boʻyicha Oʻzbekiston Respublikasi Milliy markazi, Bosh prokuraturasi va Ichki ishlar vazirligi hamkorligida “Qiynoqqa solishga qarshi kurashish: xalqaro amaliyot va milliy tajriba” mavzusida maxsus oʻquv kurslari tashkil etilishi belgilangan.
Oʻquv kurslarini sifatli hamda samarali tashkil etish maqsadida Inson huquqlari boʻyicha Oʻzbekiston Respublikasi Milliy markazi yetakchi mutaxassisi, 3-darajali adliya maslahatchisi D.Sh.Rahmatjonova, ushbu Markaz Inson huquqlari sohasidagi Taʼlim va maʼrifat boʻlimi yetakchi mutaxassisi X.M.Abdurasulov, shuningdek, IIV Akademiyasi Xorijiy kadrlar bilan ishlash fakulteti boshligʻi yuridik fanlar doktori, professor, polkovnik A.A.Matchonov hamda “Jazoni ijro etish faoliyati” kafedrasi dotsenti, tarix fanlari doktori, podpolkovnik Q.B.Qodirovlar tashrif buyurishib, oʻquv kurslariga jalb etilgan tergov, tezkor qidiruv, huquqbuzarliklar profilaktikasi yoʻnalishlari, viloyat hududida joylashgan jazoni ijro muassasalari, shuningdek, viloyat prokuraturasi hamda sud organlarining bir qator xodimlariga “Qiynoqqa solishga qarshi kurashish: xalqaro amaliyot va milliy tajriba” mavzusida oʻz bilim va tajribalari bilan oʻrtoqlashmoqdalar.
Sirdaryo viloyati IIB Axborot xizmati