Oʻzbekiston va Koreya milliy politsiyasi hamkorligi: Malaka oshirish institutida uchrashuv va muhokamalar
2025-02-19 17:20:00 / Yangiliklar
Oʻzbekiston Respublikasi Ichki ishlar vaziri va Koreya Respublikasining Oʻzbekistondagi elchisi tomonidan imzolangan muzokaralar bayoniga muvofiq Koreya milliy politsiya agentligining tegishli mutaxassislari IIV Malaka oshirish institutiga tashrif buyurdilar.
Tashrif davomida Ichki ishlar vazirligi Malaka oshirish instituti boshligʻi Olimjon Axmedov, vazirlikning tegishli mutaxassislari va Institut rahbariyati ishtirok etdi.
Ochiq va konstruktiv ruhda oʻtgan uchrashuvda Muzokaralar bayonida belgilangan vazifalarni ijrosi, loyiha doirasida barpo etilayotgan simulyatsiyalashgan oʻquv markazining qurilishi olib borilayotgan ishlar, markazdagi maxsus xonalarni jihozlash va ularga oʻrnatiladigan qurilmalar hamda Oʻzbekiston sharoitlariga moslashtirilgan simulyatsiya qilingan voqea joylari yuzasidan fikrlar almashildi va muhokama etildi.
Tomonlar rejalashtirilgan tadbirlarning samarali amalga oshirilishida barcha imkoniyatlarni ishga solinishi, shuningdek oʻzaro hamkorlik aloqalarini mustahkamlashdan ikki tomon ham birdek manfaatdor ekanligi taʼkidlandi.
IIV Malaka oshirish instituti Matbuot xizmati