O‘zbеkiston Rеspublikаsi Ichki ishlаr vаzirligi

PPX batalyonimiz xodimlari oʻtgan yil huquqbuzarliklar va jinoyatchilikning barvaqt oldini olish, sodir etilganlarini “issiq izida” fosh qilish, bedarak yoʻqolganlarni topish, qidiruvdagi shaxslarni aniqlash va ushlash borasida salmoqli ishlarini amalga oshirdilar.

Xususan, ularning saʼy-harakatlari bilan 35 nafar qidiruvdagi shaxs aniqlandi. Hamkorlikdagi tadbirlar davomida esa ulardan 16 nafari ushlandi. 19 nafar bedarak yoʻqolgan topildi. 62 ta jinoyat “issiq izida” fosh etilgan boʻlsa, hamkorlikdagi tadbirlar davomida yana 25 ta jinoyat ochildi.

Xuddi shunga oʻxshash, 24060 nafar fuqaroning maʼmuriy huquqbuzarlik sodir etgani aniqlanib, qonuniy chora koʻrilgan. 1652 nafar kishi esa narkologiya dispanseriga joylashtirilgan.

Qolaversa, “E-patrul” elektron dasturi orqali 167565 nafar fuqaroning shaxsiga koʻcha va jamoat joylarida oydinlik kiritildi.

Alohida taʼkidlash kerakki, namuna li faoliyat olib borayotgan PPX batalyoni inspektorlari – safdoshlar Ulugʻbek Farhodov, Jobirxon Zokirov, Maqsudxon Islomov, Bobur Xalilovlarni boshqalarga ibrat qilib koʻrsatish mumkin.

Biz doim xizmatga shaymiz. Joriy yilda ham viloyatda jamoat tartibini saqlash, huquqbuzarlik va jinoyatchilikka qarshi kurashishdagi muhim vazifalarni ijro etish borasidagi xizmat faoliyatimiz qizgʻin davom etmoqda.

©️ “Postda” gazetasi, Fayzullo Hakimov, podpolkovnik. Namangan viloyati.