IIV Akademiyasi magistrlari Birlashgan Arab Amirliklarining Abu-Dabi shahrida boʻlib qaytishdi
2025-02-13 12:20:00 / Yangiliklar
Xorij safari ikki tomonlama hamkorlik doirasida ushbu mamlakatning ilgʻor yutuqlarini oʻrganish va oʻzaro tajriba almashish maqsadida amalga oshirildi.
Safar davomida qisqa muddatli trening tashkil qilindi. Malakali mutaxassislar tomonidan jamoat xavfsizligini taʼminlash, iqtisodiy va kiberjinoyatlarga qarshi kurashish, zamonaviy boshqaruvni tashkil etish kabi yoʻnalishlarda mashgʻulotlar oʻtkazildi.
Bundan tashqari, tinglovchilar ixtisoslashgan muassasalarda boʻlib, politsiya tizimida qoʻllanilayotgan ilgʻor texnologiyalar va sunʼiy intellekt imkoniyatlari bilan tanishdilar.
IIV Akademiyasi Axborot xizmati