Respublika ishchi guruhining Surxondaryo viloyatida oʻrganishlari Termiz tumanida davom etdi
2025-02-05 19:50:00 / Yangiliklar
Qaror talablarini amaliyotga tatbiq etish jarayoni Termiz tumani hududida davom etib, “Sharof Rashidov” mahallasida yangi ishga tushirilgan mahalla idorasida tuman sektorlar rahbarlari, hamkor tashkilotlarning masʼullari hamda mahalla yettiligi ishtirokida qaror ijrosi doirasida amalga oshirilgan ishlar bilan yaqindan tanishildi.
Mahallada xavfsiz muhit yaratish boʻyicha joriy yilning birinchi choragida amalga oshirilishi rejalashtirilgan tadbirlar taqdimoti oʻtkazildi. Unda “Xotin-qizlar orasida jinoyatchilikning barvaqt oldini olish” namunasini yaratish hamda “Ichkilikka ruju qoʻygan, giyohvand, ruhiy kasallar va boshqa ijtimoiy koʻmakka muhtoj shaxslarga manzilli tibbiy xizmat koʻrsatish” namunasini yaratish borasidagi amalga oshiriladigan ishlar bilan yaqindan tanishildi.
Respublika ishchi guruh aʼzolari viloyatning barcha shahar-tumanlarida qaror mazmun mohiyatini mutasaddilarga tushuntirish hamda ijrosini taʼminlash choralarini koʻrmoqdalar.