Surxondaryo viloyati Sariosiyo tumanida jinoyatchilikning oldini olish va xavfsiz muhit yaratish masalalari muhokama qilindi
2025-02-05 12:20:00 / Yangiliklar
Sariosiyo tumanida Oʻzbekiston Respublikasi Ichki ishlar vazirligining ishchi guruhi ishtirokida jinoyatchilikka qarshi kurashish va uning oldini olish, aholi osoyishtaligini taʼminlash borasidagi ishlar muhokamasiga bagʻishlangan yigʻilish oʻtkazildi.
Unda ishchi guruhi aʼzosi Vazirlik Malaka oshirish instituti Maxsus fanlar sikli boshligʻi Aʼzamjon Vaxidov tomonidan Prezidentimizning “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi qarorining mazmun-mohiyati mahalla yettiligi vakillariga tushuntirildi.
Tumanning qizil toifaga kirgan yettita mahallalari, xususan Bellur, Niholzor, Ehtirom, M.Ulugʻbek, Daragiston, Nilu, Xonjiza mahalla yettiligi va tuman masʼullari bilan amalga oshirilgan ishlar tahlil qilindi va mazkur hududlarda xavfsizlik choralarini kuchaytirish boʻyicha muhim vazifalar belgilab olindi.
IIV Malaka oshirish instituti Matbuot xizmati