Buxoro viloyati Ichki ishlar boshqarmasi boshligʻi polkovnik Ikromjon Tursunov boshchiligida 3-sektorga qarashli Gʻijduvon tumanida amalga oshirilayotgan keng koʻlamli manzilli ishlar davom etmoqda
2025-02-02 09:00:00 / Yangiliklar
Avval xabar berganimizdek, Buxoro viloyati 3-sektor rahbari, Ichki ishlar boshqarmasi boshligʻi polkovnik Ikromjon Tursunov boshchiligida Gʻijduvon tumanida viloyat Ichki ishlar boshqarmasidan biriktirilgan masʼul rahbarlar tomonidan bir qator manzilli ishlar amalga oshirilmoqda.
Bugun, boshqarma boshligʻi mazkur ishlarning borishini koʻzdan kechirish, tumanni ijtimoiy-iqtisodiy rivojlantirish, aholini qiynab kelayotgan tizimli muammolarni hal etish, “Obod va xavfsiz xonadon“ tamoyili asosida mahallalarda amalga oshirilayotgan keng koʻlamli tozalash-obodonlashtirish, qurilish-taʼmirlash, bunyodkorlik ishlarini yanada jadallashtirishga doir oʻrganish ishlarini olib bordi.
Oʻrganishlar jarayonida Oʻzbekiston Respublikasi Prezidentining 2025-yil 3-yanvar kunidagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish chora-tadbirlari toʻgʻrisida“ gi 1-sonli Qarori asosida mahallalarda xavfsiz muhitni yaratish, 2025-yilni “Huquqbuzarliklarni oldini olish yili“ deb eʼlon qilinganligi, ushbu qaror boʻyicha mahalla yettiligi hamda boshqa mutasaddilar zimmasiga yuklatilgan vazifalarni birma bir tushuntirib berdi.
Boshqarma boshligʻi tumanning “Saidkent“, “Xaticha“ va Gʻovshun mahallari boʻylab koʻchama-koʻcha, xonadonma-xonadon yurib, chorvachilikni rivojlantirish, tomorqadan unumli foydalanish, issiqxonalar tashkil etish boʻyicha “Sayxunobod tajribasi“dan foydalanishni aholi orasida ommalashtirish borasida oʻzining tavsiya hamda koʻrsatmalarini berdi.
Aholini kambagʻallikdan chiqarish, ularning bandiligini taʼminlash, moddiy manfaatdorligini oshirish maqsadida sektor rahbari boshchiligida hududlarda kichik tadbirkorlik, tikuv sexlarini barpo qilgan holda kasanachilik tizimini ham kengaytirish masalalari koʻtarildi.
Shuningdek, boshqarma boshligʻi mahalla faollari, oqsoqollar, keksa nuroniylar bilan boʻlgan suhbatda hudud aholisini qiynayotgan muammolar va mahalladagi yechimini kutayotgan ijtimoiy-iqtisodiy masalalarni birma bir qayd etib, muammolarni tezkorlik bilan ijobiy hal qilish, kommunikatsiya tarmoqlari, infratuzilma holatini yaxshilash, elektr taʼminoti, ichimlik suvi bilan taʼminlash darajasini oshirish borasida masʼullarga topshiriqlar berdi.
Mahallalarda mavjud mulkchilik shaklidan qatʼiy nazar barcha korxona, tashkilot va muassasalarda, savdo va maishiy xizmat koʻrsatish shaxobchalarida zamonaviy video kuzatuv kameralari va quyosh panellarini oʻrnatish, Milliy Gvardiya Buxoro viloyati boʻyicha boshqarmasi, Qoʻriqlash xizmatining qoʻriqlov tizimlariga ulanishning afzalliklari xususida targʻibot tadbirlarini kuchaytirib, manzilli ishlarni olib borish, hududlarni tozalash obodonlashtirish, keng koʻlamli bunyodkorlik ishlarini amalga oshirish, koʻkalamzorlashtirish, “Yashil makon“ umummilliy loyihasi doirasida manzarali va mevali daraxt koʻchatlarini ekish, yangi bogʻlar yaratish, qishloq xoʻjaligi yerlarida agrotexnik tadbirlar olib borish, ariq va zovurlarni tozalash, betonlashtirish, bogʻ tokzorlarni tozalash, butash kabi ishlarni bajarish yuzasidan ham vazifalar yuklatildi.
Aholi xonadonlari, bogʻ-tokzorlar oralarida, fermer xoʻjaliklarining dala maydonlari chetlarida kichik hajmli issiqxonalar barpo etish orqali oziq-ovqat zahiralari hamda xavfsizligini taʼminlash boʻyicha ham koʻrsatmalar berildi.
Xalqaro ahamiyatga ega M37 avtomobil yoʻli yoqasida qurilgan noqonuniy qurilmalar hamda belgilangan tartib asosida oʻrnatilmagan turli reklama banerlarini bartaraf qilish, yoʻl yoqalarida ham koʻp yillik manzarali daraxt koʻchatlarini ekish boʻyicha topshiriqlar berildi.
Buxoro viloyati Ichki ishlar boshqarmasi boshligʻi polkovnik Ikromjon Tursunov boshchiligida bu kabi manzilli ishlar viloyat 3-sektorga qarashli Shofirkon hamda Vobkent tumanlari, shuningdek barcha shahar va tumanlarning 3-sektorlariga qarashli mahallalarda ham davom ettirilmoqda.
Buxoro viloyati IIB Axborot xizmati