Qashqadaryo viloyati ichki ishlar organlarida xizmat qiluvchi xotin-qizlar oʻrtasida “Zakovat” intellektual oʻyini oʻtkazildi
2025-02-02 08:00:00 / Yangiliklar
Ichki ishlar organlarida xizmat qilayotgan xotin-qizlarning intellektual bilim darajasini, maʼnaviy-axloqiy saviyasini oshirish, bu boradagi bilimi va salohiyati iqtidorini namoyon etishlari uchun tizimda maʼnaviy-maʼrifiy tadbirlar, sport musobaqalari uyushtirib kelinmoqda.
Jumladan, yaqinda tizim xodimalarining kasbiy va jismoniy salohiyatini yuksaltirish, maʼnaviy –maʼrifiy bilimlarini oshirish maqsadida viloyat “Yoshlar markazi”da “Zakovat” intellektual oʻyini oʻtkazildi.
Unda Qashqadaryo viloyati ichki ishlar boshqarmasi tarkibiy boʻlimlari, sohaviy xizmatlari, Qarshi shahar ichki ishlar organlari faoliyatini muvofiqlashtirish boshqarmasi, shahar-tuman ichki ishlar boʻlimlarida xizmat qilayotgan ayol xodimalar hamda Ichki ishlar vazirligi Qashqadaryo akademik litseyi oʻquvchi qizlaridan tashkil topgan sakkizta jamoalar oʻzaro bahslashdilar.
Qizgʻin va murosasiz bahslarda soha malikalari bor bilim va iqtidorlarini ishga solib gʻoliblik uchun kurashdilar.
“Zakovat” intellektual oʻyini natijalariga koʻra, 1-oʻrinni viloyat ichki ishlar boshqarmasining “Toʻmaris” jamoasi qoʻlga kiritdi. Navbatdagi sovrinli oʻrinlarni yosh xodimalardan tashkil topgan “Yoshlar” va “Litsey” oʻquvchilari jamoasi band etishdi.
Gʻolib jamoalarga viloyat ichki ishlar boshqarmasining gʻoliblik diplomi va qimmatbaho sovgʻalari topshirildi.
Qashqadaryo viloyati IIB Axborot xizmati