IIV huzuridagi Jazoni ijro etish departamenti markaziy apparati hamda Birinchi mintaqaviy hududdagi muassasalarda xizmat qilayotgan xotin-qizlar oʻrtasida “Eng yaxshi kitobxon xodima”, “Fidoyi ayol”, koʻrik-tanlovlari hamda “Zakovat” intellektual oʻyini boʻlib oʻtdi.

Barcha ishtirokchilardan koʻproq kitob mutolaasi bilan shugʻullangan 23-son Mahkumlar uchun ixtisoslashgan kasalxona xodimasi Nargiza Muhammadiyeva “Eng yaxshi kitobxon xodima” koʻrik tanlovida gʻoliblikni qoʻlga kiritdi.

Departament Markaziy omborxonasi katta inspektori Shaxnoza Biytoʻrayeva “Fidoyi ayol” koʻrik-tanlovi gʻolibi boʻldi.

Taʼkidlash joizki, “Zakovat” intellektual oʻyinida gʻalaba uchun shunchaki topqirlikning oʻzigina emas, balki jamoaning hamfikrligi, javoblarning tezkorlik va aniqlik bilan berilishi ham muhim ahamiyatga ega.

Bu talablarni aʼlo darajada bajargan Departament jamoasi qizlari gʻalaba qozondi.

Mazkur tadbirlar tizimda oʻzaro sogʻlom raqobat muhitini shakllantirishda, xodimlarning maʼnaviy-maʼrifiy bilimlarini oshirishda muhim omil boʻladi.

Qolaversa, tizimdagi ayol-qizlarning isteʼdodlarini namoyon qilishga imkon yaratadi.

Tanlovning faol ishtirokchilari va gʻoliblarga diplom va esdalik sovgʻalari taqdim etilgani ham ilgʻor, tashabbuskor xodimlarni ragʻbatlantiradi.

IIV huzuridagi Jazoni ijro etish departamenti Axborot xizmati