IIV Malaka oshirish institutida “Vatan himoyachilari kuni”ga bagʻishlab bayram tadbiri boʻlib oʻtdi
2025-01-17 09:25:00 / Yangiliklar
Ichki ishlar vazirligi Malaka oshirish institutida Oʻzbekiston Respublikasi Qurolli Kuchlari tashkil etilganligining 33 yilligi hamda 14 yanvar – Vatan himoyachilari kuniga bagʻishlab, “Yangi Oʻzbekiston armiyasi – mamlakat tayanchi, xalqimiz faxri!” shiori ostida bayram tadbiri boʻlib oʻtdi. Unda Institut professor-oʻqituvchilari, boʻlim va xizmatlar xodimlari va tinglovchilar ishtirok etdilar.
Tadbirni Institut boshligʻi, polkovnik Olimjon Axmedov kirish soʻzi bilan ochib, Ichki ishlar vaziri general-leytenant Poʻlat Razzoqovich Bobojonovning bayram tabrigini oʻqib eshittirdi. Oʻzi ham tadbir ishtirokchilarini yurtimizda tinchlik va barqarorlikni saqlashdek masʼuliyat vazifani bajarishida muvaffaqiyat tiladi.
Shundan soʻng, tadbirda xizmat faoliyati davomida alohida oʻrnak koʻrsatgan xodimlar mukofotlandi. Jumladan, Oʻzbekiston Respublikasi Qurolli Kuchlarining “Maʼnaviy-maʼrifiy ishlar aʼlochisi” koʻkrak nishoni bilan IIV Malaka oshirish instituti boshligʻining maʼnaviy-maʼrifiy ishlar boʻyicha oʻrinbosari podpolkovnik Qodirjon Ataboyev, “podpolkovnik” maxsus unvoni bilan mayor Raxmidin Djurayev, Ichki ishlar vazirligining “Aʼlo xizmatlari uchun” koʻkrak nishoni bilan podpolkovnik Erkin Xushvaqtov, mayor Dilshod Mirzabayev, 2-darajali “Ichki ishlar organlarida benuqson xizmatlari uchun” koʻkrak nishoni bilan Farxod Axmedov, 3-darajali “Ichki ishlar organlarida benuqson xizmatlari uchun” koʻkrak nishoni bilan podpolkovnik Djura Allayorov, Ichki ishlar vazirligining qimmatbaho sovgʻasi – kitoblar toʻplami bilan safdorlar Timur Xalmuratov va Muxayyo Egamqulovalar taqdirlandi.
Tadbirda istiqlolimiz, uning beqiyos neʼmatlari, tinch va osoyishta hayotimizning qadr-qimmati ulugʻlandi.
IIV Malaka oshirish instituti Matbuot xizmati