IIV Akademiyasi magistraturasida Ichki ishlar vazirining axborot texnologiyalari boʻyicha oʻrinbosari bilan uchrashuv boʻlib oʻtdi
2023-10-29 13:10:00 / Yangiliklar
Bugungi kunda ichki ishlar organlari faoliyatiga raqamli texnologiyalar va axborot-maʼlumot tizimlari jadal tatbiq qilinmoqda. Bu esa tizim samaradorligini oshirishda muhim ahamiyat kasb etmoqda.
IIV Akademiyasi magistraturasida ichki ishlar vazirining axborot texnologiyalari boʻyicha oʻrinbosari, polkovnik Zufar Qurbonov bilan uchrashuv boʻlib oʻtdi.
Tadbirda zamonaviy axborot-kommunikatsiya texnologiyalarining dolzarb ahamiyati, bu borada amalga oshirilayotgan kompleks chora-tadbirlar, shuningdek, kelgusidagi rejalar xususida soʻz bordi. Bugungi globallashuv sharoitida raqamli texnologiyalarning koʻlami va imkoniyati tobora oshib borayotgani, sunʼiy intellekt yordamida faoliyat koʻrsatadigan tizimlar orqali tizim faoliyati yanada takomillashib borayotgani taʼkidlandi.
Vazir oʻrinbosari yana bir muhim jihat sanalgan axborot xavfsizligini taʼminlash masalasiga ham eʼtibor qaratdi. Uning qayd etishicha, tizimni raqamlashtirish va kibertahdidlardan himoyalanish boʻyicha rivojlangan davlatlarning ilgʻor tajribalari asosida jadal ishlar qilinmoqda. Bu nafaqat tizim faoliyati, balki fuqarolarga koʻrsatilayotgan davlat xizmatlari sifatini ham oshiradi.
IIV Akademiyasi Axborot xizmati