Buxoro viloyati Ichki ishlar boshqarmasida “Videokuzatuv Markazi“ oʻz faoliyatini boshlaydi
2025-01-13 08:45:00 / Yangiliklar
Buxoro viloyat IIB boshligʻi podpolkovnik Ikromjon Tursunov sohaviy xizmat boshliqlari, Buxoro shahar IIO FMB mutasaddi rahbarlari bilan birgalikda viloyat Ichki ishlar boshqarmasi Jamoat xavfsizligi xizmati Yoʻl harakati xavfsizligi boshqarmasi negizida tashkil etilib, bugungi kunda maʼlumotlar bazasi hamda hududlarda oʻrnatilgan zamonaviy videokuzatuv kameralarining eng oxirgi integratsiya jarayonlari amalga oshirilayotgan, axborot texnologiyalarining soʻnggi yutuqlaridan samarali foydalanilgan “Videokuzatuv Markazi“ da boʻldi.
Jarayonda, kuzatuv markazining imkoniyatlari, jinoyat va huquqbuzarliklarni jilovlash maqsadida yanada samaradorlikka erishish uchun sohaviy xizmatlar tomonidan amalga oshirilishi lozim boʻlgan galdagi vazifalar belgilab olindi.
Zamonaviy va innovatsion texnologiyalardan samarali foydalanilgan holda zaruriy texnika hamda mebellar bilan jihozlangan ushbu markazni yanada takomillashtirish boʻyicha topshiriqlar berildi.
Buxoro viloyati IIB Axborot xizmati