O‘zbеkiston Rеspublikаsi Ichki ishlаr vаzirligi

Maʼlumki, mamlakatimizda dunyo boʻyicha sayyohlikni yanada oshirish uchun turli davlatlar eʼtiborni jalb qiluvchi tadbirlar uyushtirish bilan sayyohlar oqimini oʻziga jalb qilish uchun samarali choralar koʻrmoqdalar.

Mamlakatimizda sayyohlarni jalb qilish uchun soʻnggi yillarda nafaqat tarixiy va madaniy tadbirlar, shuningdek, jahon miqyosidagi sport musobaqalari, dam olish turistik maskanlari, koʻrgazma namoyishlari, ilmiy konferensiyalarni uyushtirish bilan ushbu yoʻnalishda sayyohlar oqimini jalb qilish yaxshi anʼanaga aylanib bormoqda.

Mazkur turistik obyektlarda baxtsiz hodisalar, jinoyat va huquqbuzarliklarning barvaqt oldini olish borasida vazir oʻrinbosari general mayor Baxodir Yuldashevich Mirzaraximov tomonidan Toshkent viloyatida joylashgan turistik maskanlar koʻzdan kechirildi.

Xususan, Toshkent viloyati Boʻstonliq tumanida joylashgan “Amirsoy” turistik dam olish maskanida xizmatga jalb qilingan Toshkent viloyati IIBB Xavfsiz turizmni taʼminlash boshqarmasi hamda sohaviy xizmat xodimlarining xizmat faoliyatlari bilan yaqindan tanishdi.

Vazir oʻrinbosari tomonidan turistik maskanlarda jamoat tartibini saqlash, fuqarolar hushyorligi va ogohligini oshirish, tinchlik, osoyishtalik va barqarorlikni taʼminlash hamda xodimlar oʻrtasida ijro intizomi, qonunchilik talablariga qatʼiy rioya qilishlari, xodimlarning xizmat faoliyati ustidan kunlik nazoratni kuchaytirish, korrupsiyaga yoʻl qoʻymaslik boʻyicha bir qator koʻrsatmalar berilib, tashrif buyuruvchi sayyohlar xavfsizligini taʼminlash, sodir etilishi mumkin boʻlgan jinoyat va huquqbuzarliklarning oldini olish hamda aholining ijtimoiy huquqiy ongini mustahkamlash borasida jamoat joylarida va turizm namoyishi obyektlarida targʻibot profilaktik tadbirlarini jadallashtirish borasida bir qator koʻrsatmalar berildi.

Transport va turizm obyektlarida xavfsizlikni taʼminlash departamenti Axborot guruhi