Jumladan, aholini qish mavsumida energiya resurslari bilan toʻliq taʼminlash, avariyaviy va boshqa noxush holatlarni zudlikda bartaraf etish choralarini taʼminlanganligini nazorat qilish, hamda bu borada tegishli idora va tashkilotlar vakillarining masʼuliyatiga baho berish maqsadida Chilonzor tumani Koʻtarma mahallasi “Poytaxt ziyo servis” boshqaruv servis kompaniyasi, Uchtepa tumani “Karavan” elektr podstansiyasi, “Uchtepatumangaz” gaz taʼminoti boʻlimi hamda 5-sonli “Chilonzor issiqlik markazi” korxonasining faoliyati oʻrganildi.

Tadbir jarayonida masʼullarga elektr taʼminoti boʻyicha amalga oshirilgan chora-tadbirlarni uzluksiz va sifatli amalga oshirish, elektr uzilishlari yoki boshqa muammolarni zudlik bilan bartaraf etish, favqulodda holatlarni oldini olish hamda ish jarayonini takomillashtirish yuzasidan tegishli koʻrsatmalar berildi.

Shuningdek ishchi guruh tomonidan Chilonzor tumani “Katta Navbahor” mahalla tayanch punkti, “Oʻzavtovokzal servis” yoʻlovchi tashish jamoat birlashmasi hamda Uchtepa tumani “Shirin” mahallasida joylashgan 4-sonli ichki ishlar boʻlimi xodimlarining tungi xizmat faoliyati oʻrganildi.

Jarayonda mahalla koʻchalarida, koʻp qavatli uylar yoʻlaklarida va jamoat joylarida videokuzatuv qamrovini oshirish, yuzaga kelayotgan kriminogen vaziyatni chuqur tahlil qilish, aholi muammolarni oʻrganish hamda bartaraf etish boʻyicha “mahalla yettiligi” faoliyatini samaradorligini oshirish boʻyicha koʻrilayotgan chora-tadbirlarga qaratildi.

Shu bilan birga Yangi yil bayramiga bagʻishlanib madaniy va istirohat bogʻlari va koʻngil ochar maskanlarida aholiga benuqson xizmat koʻrsatilishi va xavfsizlik choralarini toʻliq taʼminlanishiga eʼtibor qaratildi.

Tadbir davomida aniqlangan barcha kamchiliklar tanqidiy muhokama qilinib, kelgusida xizmat faoliyatini takomillashtirishga oid maqsadli chora-tadbirlar belgilab olindi.

Ishchi guruh aʼzolarining kundalik oʻrganish ishlari mamlakatimizning boshqa hududlarida ham davom etmoqda.