Samarqand viloyati IIB boshligʻi va viloyat prokurori tomonidan viloyatdagi ijtimoiy obyektlarning qish mavsumiga tayyorgarlik holati oʻrganildi
2024-12-24 10:35:00 / Yangiliklar
Qish mavsumida aholiga elektr, tabiiy va suyultirilgan gaz, koʻmir yetkazib berish hamda bunga masʼul idora va tashkilotlar vakillarining masʼuliyatini oshirishga qaratilgan tadbirlar jadal amalga oshirilmoqda.
Viloyatdagi ijtimoiy obyektlarning qish mavsumiga tayyorgarligini koʻzdan kechirish maqsadida, viloyat IIB boshligʻi Rahmat Mamatov va viloyat prokurori Murodqosim Eshnazarovlar Kattaqoʻrgʻon tumani Tibbiyot birlashmasida oʻrganishlar olib bordi.
Oʻrganishlar davomida Tibbiyot birlashmasining qish mavsumiga tayyorgarligi hamda isitish tizimi koʻzdan kechirilib, aniqlangan kamchiliklarni bartaraf etish yuzasidan masʼullarga topshiriqlar berildi.
Oʻrganishlar viloyat boʻylab davom etmoqda.
Samarqand viloyati IIB Axborot xizmati