Vazir oʻrinbosari general-mayor Baxodir Mirzaraximov huzurida Toshkent mintaqasi temir yoʻl transportida xavfsizlikni taʼminlash boshqarmasi xodimlari bilan oʻtgan 11 oy yakunlari sarhisob qilindi
2024-12-23 13:55:00 / Yangiliklar
Ichki ishlar vaziri oʻrinbosari general-mayor Baxodir Mirzaraximov huzurida Toshkent mintaqasi temir yoʻl transportida xavfsizlikni taʼminlash boshqarmasi xodimlari bilan oʻtgan 11 oy yakunlari boʻyicha amalga oshirilgan ishlar, erishilgan yutuqlar va yoʻl qoʻyilgan xato-kamchiliklar muhokamasiga bagʻishlangan yigʻilish oʻtkazildi.
Dastlab, vaziri oʻrinbosari tomonidan soha xizmatlarida amalga oshirilgan ijobiy ishlar, shu bilan birga yoʻl qoʻyilgan kamchiliklar va joriy yilda amalga oshirilishi lozim boʻlgan ishlar toʻgʻrisida batafsil axborot berildi.
Shundan soʻng Vazir oʻrinbosari general-mayor Baxodir Mirzaraximov tomonidan transport obyektlarida baxtsiz hodisalarning barvaqt oldini olish, xususan Toshkent-Markaziy vokzali ishchilari va yoʻlovchi fuqarolar oʻrtasida huquqbuzarlik va jinoyatlarning oldini olish va ularning profilaktikasi, jamoat tartibini saqlash, fuqarolar hushyorligi va ogohligini oshirish, tinchlik, osoyishtalik va barqarorlikni taʼminlash hamda xodimlar oʻrtasida ijro intizomi, qonunchilik talablariga qatʼiy rioya qilishlari, xodimlarning xizmat faoliyati ustidan kunlik nazoratni kuchaytirish, korrupsiyaga yoʻl qoʻymaslik boʻyicha masʼul xodimlarga koʻrsatmalar berildi.
Soʻng, xodimlarning xizmat qilishlari uchun barcha shart-sharoitlar yaratilganligi, yotoqxonalar, oshxonalar va boshqa maishiy xizmat koʻrsatish xonalari mavjudligi hamda oʻquv sinflarining jihozlanganligi, intizom buzarlik holatlariga yoʻl qoʻymasliklari, bir-birlari bilan munosabatda xushmuomala boʻlishlari talab qilinishini alohida yetkazib oʻtdi.
Tadbir davomida uzoq yillar davomida vatan tinchligi va osoyishtaligi uchun xizmat qilgan xodimlar nafaqaga kuzatildi.
IIV Transport va turizm obyektlarida xavfsizlikni taʼminlash departamenti