Buxoro viloyati IIB boshligʻi IIV masʼullari bilan birgalikda YHXB bazasida barpo etilayotgan tezkor boshqaruv markazi (situatsion markaz)da olib borilayotgan qurilish ishlarini borib oʻrgandi
2024-12-22 14:25:00 / Yangiliklar
Buxoro viloyatida “Xavfsiz shahar“ loyihasi asosida qurilayotgan ushbu markazga viloyat hududi boʻylab oʻrnatilayotgan barcha zamonaviy kuzatuv kameralari integratsiya qilinadi.
Bu esa hududlar boʻylab kriminogen vaziyatni barqarorlashtirish, jinoyatchilikka qarshi kurashish samaradorligini va tezkorligini oshirishga xizmat qiladi.
Qurilish jarayonlarini Oʻzbekiston Respublikasi IIV “Xavfsiz shahar“ tizimlarini rivojlantirish markazi boshligʻi mayor Ulugʻbek Kulanov, viloyat IIB masʼullari, pudratchi quruvchi ishtirokida koʻzdan kechirgan boshqarma boshligʻi inshootni yuqori sifat, zamon talablari asosida taʼmirlash, bunda innovatsion texnologiyalardan samarali foydalanish, belgilangan qurilish taʼmirlash grafigi asosida ishlarni yakunlab, foydalanishga topshirish yuzasidan oʻzining bir qator tavsiyalari hamda tegishli topshiriqlarini berdi.
Buxoro viloyati IIB Axborot xizmati