Yigʻilishda 2024-yil uchun ichki ishlar tizimi faoliyatini samarali tashkil etishga oid bir qator masalalar koʻrib chiqildi. Jumladan, sohaviy xizmatlar va hududiy organlar kesimida nomenklatura yigʻma jildlarini tayyorlash, maxsus vositalarni taftish qilish, boʻsh lavozimlarga munosib kadrlarni jalb qilish va jinoyatlarning oldini olishga qaratilgan yoʻl xaritalarini ishlab chiqish vazifalari belgilandi. Shuningdek, jinoyatlarni fosh etish, qidiruvdagi shaxslarni ushlash, pirotexnika vositalarining noqonuniy aylanmasiga qarshi kurash, profilaktik tadbirlarni kuchaytirish, voyaga yetmaganlar va boshqa ehtiyojmand guruhlar bilan ishlash yuzasidan topshiriqlar berildi.

Shu bilan birga, viloyat ichki ishlar tizimini raqamlashtirish loyihalarini taqdim etish, yangi qurilayotgan tezkor boshqaruv markazini jihozlash, hamda aholining ijtimoiy-iqtisodiy muammolariga yechim topish masalalari muhokama qilindi. Bayram kunlari xavfsizligini taʼminlash, ommaviy tadbirlar chogʻida tartibni saqlash va oziq-ovqat yarmarkalarini tashkil etish boʻyicha ham aniq chora-tadbirlar belgilandi.

Mazkur vazifalarning ijrosi yuzasidan har bir sohaviy xizmat va hududiy organ oldiga aniq maqsad va muddatlar belgilandi, barcha masalalar boʻyicha nazoratni kuchaytirish topshirildi.

Koʻtarilgan har-bir masala yuzasidan sohaviy xizmatlar rahbarlariga aniq topshiriqlar berilib, ijro va xizmat intizomiga qatʼiy rioya qilish, har bir topshiriqni belgilab berilgan sanada bajarib axborot berish, bunda rahbarlar qoʻl ostidagi shaxsiy tarkibning kundalik vazifalarini toʻgʻri taqsimlagan holda nazorat qilishi, yil yakuniga qadar amalga oshirilishi lozim boʻlgan belgilab berilgan vazifalarni bekam-u koʻst bajarishi qatʼiy talab qilindi.

Buxoro viloyati IIB Axborot xizmati