Andijon viloyati IIB boshligʻi polkovnik Ayubxon Rahmatullayev huzurida “Yangi yil” bayramiga tayyorgarlik koʻrish, bayram tadbirlarida jamoat tartibini saqlash va fuqarolar xavfsizligini taʼminlash borasidagi dolzarb vazifalar, shuningdek, 2024-yilni ijobiy koʻrsatkichlar bilan yakunlash hamda pirotexnika vositalarini noqonuniy muomalasiga qarshi kurashish boʻyicha amalga oshirilayotgan ishlarning muhokamasiga bagʻishlangan yigʻilish oʻtkazildi.

Yigʻilishda, shahar va tumanlar hududida oʻtkazilishi rejalashtirilgan bayram tadbirlariga puxta tayyorgarlik koʻrish, bayramni koʻtarinki kayfiyatda oʻtkazish, jamoat tartibini saqlash va yoʻl harakati xavfsizligini taʼminlash yuzasidan mutasaddi idoralar bilan hamkorlikda qilinishi lozim boʻlgan bir qator vazifalar belgilab berildi.

Ichki ishlar organlari xodimlarini hushyor va sergak holda xizmat oʻtashlari, oʻzlariga yuklatilgan vazifalarni sidqidildan bajarishlarini taʼminlash boʻyicha masʼul rahbarlarga tegishli koʻrsatmalar qilindi.

Bundan tashqari, jinoyatchilikka qarshi kurash va huquqbuzarliklar profilaktikasini taʼminlash, 2024-yil ish natijalarini ijobiy koʻrsatkichlar bilan yakunlash, pirotexnika vositalarining noqonuniy muomalasiga barham berish va bu yoʻnalishda profilaktik ogohlantiruv tadbirlarini jadallashtirish boʻyicha zarur vazifalar belgilab olindi.

Andijon viloyati IIB Axborot xizmati