Qoraqalpogʻiston Respublikasi Ichki ishlar vaziri polkovnik Baxtiyar Torebekov tomonidan aholini tabiiy gaz va energiya resurslari bilan uzluksiz taʼminlashda qiynab kelayotgan muammolari joylarga chiqqan holda oʻrganildi
2024-12-18 23:40:00 / Yangiliklar
Qoraqalpogʻiston Respublikasi Prokurori E. Tadjiyev hamda Qoraqalpogʻiston Respublikasi Ichki ishlar vaziri B.Torebekovlar soha masʼullari hamda hamkor tashkilotlarning mutasaddilari bilan “Hududgaz Qoraqalpogʻiston” filiali va “Qoraqalpoq hududiy elektr tarmoqlari” korxonasidagi aholini elektr energiya hamda gaz bilan barqaror taʼminlash boʻyicha ishchi guruhlarning chora-tadbirlar rejasi bilan tanishib, faoliyatida uchraydigan nosozliklarni oldini olish va zudlik bilan bartaraf etish yuzasidan smenadagi masʼul xodimlarga koʻrsatmalar berib, aholini gaz va elektr energiyasi bilan toʻliq taʼminlash vazifasini qoʻydi. Bundan tashqari, Nukus shahri “Samanbay” MFYda joylashgan “Najimaddin Kubra” koʻchasidagi transformator, aholi tomonidan elektr energiyasiga boʻlgan talab ortib ketishi natijasida qisqa toʻqnashuv kelib chiqishi oqibatida xonadonlarga yetkizilayotgan elektr energiyasidagi uzilishlarining holati oʻrganilib, kelib chiqqan nosozliklar joyida taʼmirlanib aholiga elektr energiyasini yetkazish muammolari bartaraf qilindi.
Shuningdek, Nukus shahri “Naoʻbaxar” MFYda joylashgan “Shagʻilsin” koʻchasida yashovchi fuqarolarning gaz bosimi kamligi yuzasidan qilgan murojaati tegishli tartibda oʻrganilib, gaz bosimini kuchaytirish boʻyicha tegishli chora-tadbirlar amalga oshirildi. oʻrganish ishlari davomida mutasaddilar tomonidan Nukus shahridagi “Ibrayim Yusupov” nomidagi maktabning sinfxonalari qish mavsumiga tayyorligi, maktabning isitish tizimi hamda yongʻinga qarshi moslamalarning ahvoli oʻrganildi.
Qoraqalpogʻiston Respublikasi IIV Axborot xizmati