IIV Jamoat xavfsizligi departamenti boshligʻi oʻrinbosari, polkovnik Sharof Uralov huzurida Probatsiya boshqarmasi xodimlari hamda hududiy boʻlinma boshliqlari ishtirokida onlayn videoselektor yigʻilishi oʻtkazildi.

Kun tartibida jamoat tartibini saqlash va fuqarolar xavfsizligini taʼminlash maqsadida nazorat ostidagi shaxslar bilan bogʻliq qayta jinoyat va huquqbuzarliklarning oldini olish, ularni jamiyatga ijtimoiy moslashtirish, bandligini taʼminlashga koʻmaklashish borasida qilinayotgan ishlar, sohani raqamlashtirishga oid vazifalar hamda respublikamiz miqyosida eʼlon qilingan “Xavfsiz hudud – dolzarb 50 kunlik” maxsus profilaktik tadbiri doirasida amalga oshirilayotgan ishlar tahliliy muhokama etildi.

Jarayonda Jamoat xavfsizligi departamenti boshligʻi oʻrinbosari hududiy boʻlinma boshliqlarining hisobotlari tinglab, oʻtkazilgan profilaktik tadbirlarda kamchiliklarga yoʻl qoʻygan masʼul rahbarlarga tegishli koʻrsatma va topshiriqlar berdi. Shuningdek, polkovnik Sharof Uralov “Probatsiya toʻgʻrisida”gi Qonun hamda qonunosti hujjatlariga muvofiq, joylarda targʻibot va tashviqot ishlarini yanada kuchaytirish lozimligini alohida taʼkidladi.

IIV JXD Axborot xizmati