Buxoro viloyati Ichki ishlar boshqarmasi boshligʻi podpolkovnik Ikromjon Tursunov Gʻijduvon tumanining Zarafshon mahallasi aholisi muammolari yechimiga bagʻishlangan sayyor qabul oʻtkazdi
2024-12-14 15:15:00 / Yangiliklar
Rasmiy sahifalarimizni kuzatib borayotgan boʻlsangiz, Ichki ishlar boshqarmasi boshligʻi Ikromjon Tursunov aholi bilan doimiy muloqot qilib, fuqarolarni qiynayotgan muammolarni hal etish, mamlakatimizda amalga oshirilayotgan islohotlarni aholiga yetkazish borasida bevosita joylarga chiqib, aholi bilan yuzma-yuz muloqotlar oʻtkazib kelmoqda.
Bugun ham boshqarma boshligʻi Gʻijduvon tumanining Zarafshon mahallasida aholi murojaatlarini tingladi.
Viloyat 3-sektor shtabi aʼzolari, tuman sektor rahbarlari, tegishli tashkilot va idoralar masʼullari ishtirokida oʻtkazilgan yuzma-yuz ochiq muloqotda 15 dan ortiq fuqarolarning 20 ga yaqin turli masalalardagi murojaatlari birma-bir koʻrib chiqildi.
Jarayonda asosan tadbirkorlik faoliyati bilan shugʻullanishi uchun amaliy yordam, ichki yoʻllarni taʼmirlash, eskirgan elektr simyogʻochlarni taʼmirlash, yaroqsiz holatga kelib qolganlarini yangilash, suyultirilgan gaz taʼminoti grafigini yaqinlashtirish, yaroqsiz holatga kelib qolgan tabiiy gaz quvurlarini yangilash kabi masalalar koʻtarildi.
Murojaatlarning yechimiga asosiy eʼtibor qaratilib, qoʻshimcha oʻrganish va qonuniy qaror qabul qilish uchun yurituvga olingan murojaatlar yuzasidan aniq va manzilli chora-tadbirlar belgilanib, masʼullarga koʻrsatma va topshiriqlar berildi.
Viloyat 3-sektor rahbari aholi bilan muloqotda bildirilgan takliflar, koʻtarilgan muammolar asosida hududni ijtimoiy-iqtisodiy rivojlantirish va aholi turmush sharoitini yanada yaxshilash, mahallalarda yangi ish oʻrinlarini yaratish, asosan “Temir”, “Yoshlar” va “Ayollar” daftarlariga kirgan, ishsiz fuqarolarni doimiy ish bilan taʼminlash borasida masʼullarga tegishli topshiriq va koʻrsatmalar berdi.
Bu kabi sayyor qabullar viloyatimizning 3-sektoriga qarashli Gʻijduvon, Shofirkon va Vobkent tumanlarining barcha hududlarida, bundan tashqari, qolgan shahar va tumanlarning 3-sektorlariga qarashli mahallalarida tasdiqlangan grafik asosida oʻtkazib boriladi.
Buxoro viloyati IIB Axborot xizmati