Toshkent shahar Yashnobod tumanidagi ijtimoiy obyektlarda issiqlik tizimi sozligi tekshirildi
2024-12-09 10:50:00 / Yangiliklar
Toshkent shahar IIBB boshligʻi general-mayor Aziz Tashpulatov Yashnobod tumanida joylashgan ayrim ijtimoiy obyektlarda qish mavsumiga tayyorgarlik ishlari bilan tanishdi. Jumladan, IIBB qoshidagi “Mehr-saxovat uyi”, “Maxsus qabulxona”, tumandagi “Mehribonlik uyi”, 4-sonli shahar klinik shifoxonasidagi issiqlik tizimi sozligi tekshirildi.
Oʻrganish jarayonida bosh boshqarma boshligʻi ushbu maskanlardagi fuqarolar bilan suhbatlashib, ularga yaratilgan sharoitlar hamda muammolari yuzasidan fikr va mulohazalarini eshitdi.
Navbatdagi manzil 7-sonli issiqlik markazi boʻlib, u yerdagi ish jarayonlari oʻrganildi, xodimlarga yaratilgan sharoit koʻzdan kechirildi. Bu kabi oʻrganishlar boshqa tumanlarda ham davom etmoqda.
Toshkent shahar IIBB Axborot xizmati