Toshkent shahar Ichki ishlar bosh boshqarmasi boshligʻi qish mavsumiga tayyorgarlik holatini oʻrganish maqsadida Mirobod tumaniga tashrif buyurdi
2024-12-05 07:00:00 / Yangiliklar
Toshkent shahar Ichki ishlar bosh boshqarmasi boshligʻi, general-mayor Aziz Tashpulatov Mirobod tumani hokimi Anvar Sayfutdinov, 3-sektor rahbari, tuman IIOFMB boshligʻi Otabek Xodjayevlar bilan birgalikda 3-sektor hududiga kiruvchi “Temiryoʻlchilar” mahallasida joylashgan “SAZIIT“ nimstansiyasida boʻldilar.
Buguni kunda 7 mingdan ortiq aholi xonadonlari va tadbirkorlik subyektlarini elektr energiyasi bilan taʼminlab kelayotgan “SAZIIT” nimstansiyasida Toshkent shahrining energiya barqarorligini taʼminlash, avariya holatlarining oldini olish maqsadida rekonstruksiya qilish va uskunalarni almashtirish ishlari olib borilmoqda.
Sektor rahbarlari bilan boʻlgan muloqot davomida fuqarolarga koʻrsatilayotgan xizmatlar sifati, murojaatlarni tezkorlik bilan hal etish, qarzdorliklarni undirish, isteʼmolchilarni bir meʼyorida sifatli hamda uzluksiz energiya manbalari bilan taʼminlash maqsadida olib borilayotgan ishlar holati oʻrganildi.
Podstansiyada elektr qurilmalari va kabellarini tarmoqqa ulash va montaj qilish ishlarini yakuniga yetkazib, obyektni oʻz muddatida foydalanishga topshirish, joriy yilgi qish mavsumini avariyaviy holatlarsiz oʻtkazish va aholiga sifatli va uzluksiz elektr energiyasi yetkazib berish boʻyicha masʼullarga tegishli topshiriqlar berildi.
Toshkent shahar IIBB Axborot xizmati