Namangan viloyati IIBda dolzarb masalalar yuzasidan navbatdagi tezkor yigʻilish boʻlib oʻtdi
2024-11-29 10:25:00 / Yangiliklar
Bugun polkovnik Shuxrat Aliyev huzurida videoselektor tarzida oʻtkazilgan yigʻilishda oʻrinbosarlar, boshqarma va shahar-tumanlarning barcha sohaviy xizmat rahbarlari ishtirok etib, ijtimoiy profilaktika yoʻnalishidagi amalga oshirilgan ishlar, kuz-qish mavsumiga tayyorgarlik ahvoli hamda 3-sektor faoliyati atroflicha muhokama qilindi.
Yigʻilishda, dastlab, masʼul rahbarlarning oxirgi bir kun davomida amalga oshirilgan ishlar, tungi xizmat faoliyati va 3-sektorning ish natijalari yuzasidan axboroti tinglandi hamda yoʻl qoʻyilgan kamchiliklar keskin tanqid qilindi.
Shuningdek, boshqarma boshligʻi tomonidan ijtimoiy profilaktika yoʻnalishi boʻyicha aholi muammolarini doimiy oʻrganib borish, ichki ishlar organlariga biriktirilgan ijtimoiy himoyaga muhtoj oilalarning ijtimoiy-iqtisodiy ahvolini yaxshilash, shu bilan birga, ijtimoiy soha obyektlari va avtomobil yoʻllarini kuz-qish mavsumiga tayyorgarligini nazorat qilib borish yuzasidan masʼul rahbar hamda xodimlarga aniq topshiriqlar berildi.
Namangan viloyati IIB Axborot xizmati