Ichki ishlar vaziri oʻrinbosari general-mayor Mirzaraximov Baxodir Yuldashevich harbiy xizmatchilar bilan uchrashish va ularga yaratilgan sharoitlar bilan yaqindan tanishish maqsadida, IIV Qorovul qoʻshinlariga qarashli Toshkent viloyati, Olmaliq shahrida joylashgan 7535-sonli harbiy qismga tashrif buyurdi.

Tashrif harbiy qism saf maydonida Oʻzbekiston Respublikasi Davlat madhiyasini ijro etilishi bilan boshlandi.

Shundan soʻng, vazir oʻrinbosari harbiy xizmatchilar bilan uchrashish vaqtida dunyoda va qoʻshni davlatlarda yuzaga kelayotgan harbiy siyosiy vaziyatlardan toʻgʻri xulosa chiqargan holda sodir etilishi mumkin boʻlgan har qanday holatlarga ruhan va jismonan tayyor boʻlishlari, vatanparvar, sergak va ogoh boʻlib harbiy xizmatni olib borish zarurligini taʼkidlab oʻtdilar.

Vazir oʻrinbosari tomonidan harbiy xizmatchilariga jangovar xizmatni Nizom talablari asosida olib borishlari hamda kontrakt boʻyicha va muddatli harbiy xizmatchilarga xizmat qilishlari uchun barcha shart-sharoitlar yurtboshimiz tomonidan yaratilganligi aytib oʻtdilar ,

Askarlarni xizmat qilishlari uchun yaratilayotgan shart-sharoitlarni koʻzdan kechirib ularni, yotoqxona, oshxonalar va boshqa maishiy xizmat koʻrsatish xonalarini koʻzdan kechirib, muddatli harbiy xizmatchilardan faqatgina jangovar xizmatni vijdonan va Nizom talablari asosida toʻgʻri tashkil qilishlari, intizombuzarlik holatlariga yoʻl qoʻymasliklari va bar-birlari bilan xushmuomala boʻlishlarini aytib oʻtdilar.

Shuningdek, Qorovul qoʻshinlaridagi texnika va qurol-aslahalar bilan tanishib ushbu texnika va qurol-aslahalardan jangovar xizmat vaqtlarida toʻgʻri foydalanishlari texnikalar bilan harakat vaqtida yoʻl transport va xavfsizlik qoidalariga rioya qilishlari boʻyicha barcha shaxsiy tarkibga oʻz tavsiya va takliflarini berib oʻtdilar .

Transport va turizm obyektlarida xavfsizlikni taʼminlash departamenti Axborot guruhi