O‘zbеkiston Rеspublikаsi Ichki ishlаr vаzirligi

Xalqning turmushini farovon, yashayotgan hududini obod qilish borasida amalga oshirilayotgan ishlar joylarda oʻzining ijobiy samarasini bermoqda va odamlarning qalbida shukronalik, mamnunlik tuygʻularini shakllantirmoqda.

Viloyat 3-sektor rahbari Rahmat Mamatov Pastdargʻom tumani “Qoqsoy” mahallasi yettiligi va mutasaddilar ishtirokida aholi xonadonlarida boʻlib, ularning yashash sharoitlarini oʻrgandi, mavjud masalalariga yechim izlandi.

Mahallada “Kambagʻallikdan- farovonlik sari” dasturi asosida qilinayotgan jarayonlarni koʻzdan kechirdi.

Munira Ergasheva “Ayollar daftari” da roʻyxatda turadi. Subsidiya asosida 50 bosh parranda olib xonadonida ularni parvarishlay boshladi. Hozirda issiqxona va parrandachilik bilan shugʻullanib kelmoqda. Oilaning moliyaviy daromadi yaxshilanmoqda.

Mazkur mahallada yashovchi Tozagul Haqnazarova boquvchisini yoʻqotgan.

Xonadonma-xonadon oʻrganishlar davomida ularning ham muammosi oʻrganildi.

Tozagul opa farzandlari uchun uy-joy kerakligini bildirdi. Tozagul opaga uning tartiblari boʻyicha tushuntirishlar berildi.

Shohrux Rashidov 30 yoshda. Mahalladagi 6-uyda yashaydi. U bir necha yillar davomida xorijda ishladi. Hozirgi kunda yaqinlari bagʻrida, oilaviy tadbirkorlik faoliyatini boshlagan.

Tomorqadan unumli foydalanib, farovonlik ham ortib bormoqda.

Ayni kunlarda mahalladagi Umar Doliyev xonadoniga kirsangiz 2 sotix issiqxonada yetishtirilayotgan qulupnaydan koʻzingiz quvonadi. Chiroyli qilib ishlov berilgan qulupnay hosili moʻl. Bu esa oʻz navbatida moddiy imkoniyatlarni oshiradi.

Sektor rahbari qoqsoyliklarning turmush obodligini yaxshilash, ertangi kun sari intilib, mehnat qilib bundan roʻzgʻor kamini toʻldirayotganligini eʼtirof etdi.

Fuqarolarning roziligini taʼminlashga erishish borasida mahalla yettiligiga vazifa va koʻrsatmalar berdi.

Samarqand viloyati IIB Axborot xizmati