Buxoro viloyati IIB Jamoat xavfsizligi xizmati Yoʻl harakati xavfsizligi boshqarmasi negizida qurilishi rejalashtirilgan “Videokuzatuv Markazi“ da amalga oshirilayotgan keng koʻlamli qurilish va taʼmirlash ishlari joyiga chiqib oʻrganildi
2024-11-01 09:00:00 / Yangiliklar
Buxoro viloyat Ichki ishlar boshqarmasi boshligʻi podpolkovnik Ikromjon Tursunov mutasaddi rahbarlar bilan birgalikda viloyat Ichki ishlar boshqarmasi Jamoat xavfsizligi xizmati Yoʻl harakati xavfsizligi boshqarmasi negizida tashkil etilayotgan zamonaviy tipdagi “Videokuzatuv Markazi“ da amalga oshirilayotgan keng koʻlamli qurilish, taʼmirlash ishlarining borishi bilan yaqindan tanishdi.
Yoʻl harakati xavfsizligi boshqarmasining maʼmuriy binosida jadal surʼatlarda davom etayotgan ushbu majmuada amalga oshirilayotgan qurilish-taʼmirlash ishlarini koʻzdan kechirgan boshqarma boshligʻi, aholiga xizmat koʻrsatish va xizmat xonalarini zamonaviy hamda innovatsion texnologiyalardan samarali foydalangan holda jihozlash borasida oʻz tavsiyalarini aytib oʻtdi.
Bundan tashqari mazkur binoning qurilish jarayonlarini doimiy nazorat qilish, qurilish ishlarini belgilangan grafik hamda sifat tamoyillariga rioya qilgan holda olib borish, qurilish mollari, zaruriy texnika hamda boshqa vositalar bilan bogʻliq vujudga kelishi mumkin boʻlgan muammolarni bartaraf etish boʻyicha mutasaddi rahbarlarga manzilli topshiriqlar berdi.
Buxoro viloyati IIB Axborot xizmati