Xalq dardi, muammolarini oʻrganish fuqarolarning jamiyatga ishonchini ortishiga, hayot darajasi, yashash tarzi yaxshilanishiga xizmat qiladi.

Viloyat ichki ishlar boshqarmasi boshligʻi Rahmat Mamatovning navbatdagi fuqarolar qabulida ham odamlarni qiynayotgan masalalarga yechim izlandi.

Fuqarolarning ishga joylashish, moddiy yordam, salomatligini tiklash, ijtimoiy muammolar, tergov faoliyatidan norozilik kabi murojaatlari eshitildi.

Aksariyatiga yuzma-yuz muloqot davomida huquqiy tushuntirishlar berildi.

Ijrosi muddat talab qiladigan masalalar oʻrganilib, qonunan hal etilishi taʼkidlandi.

Bu borada mutasaddilarga topshiriqlar berildi.

Rahbarlarning aholi bilan muloqotlari ularni qiynab kelayotgan muammolarini samarali hal etishi bilan ahamiyatli boʻlmoqda.

Boshqarma boshligʻining fuqarolar qabullari har hafta muntazam oʻtkazilishi belgilangan.

Samarqand viloyati IIB Axborot xizmati