Surxondaryo viloyati hududida yashovchi 10 nafar 14 yoshdan 18 yoshgacha boʻlgan huquqbuzarlik va jinoyat sodir etishga moyil, tarbiyasi ogʻir, boʻlgan va salbiy xatti-harakatlar sodir etganligi uchun profilaktik hisobga olingan yoshlar (qizlar) oʻrtasida kelgusida oʻtkazilayotgan huquqbuzarliklarni sodir etishlarini yoxud oʻzlari huquqbuzarlik va jinoyat qurboniga aylanishlarini oldini olishga qaratilgan “Kelajak sari” profilaktik tadbiri oʻtkazilishi davom etmoqda.

Surxondaryo viloyati Ichki ishlar boshqarmasi jamoat xavfsizligi xizmati huquqbuzarliklar profilaktikasi boshqarmasining voyaga yetmaganlarga ijtimoiy-huquqiy yordam koʻrsatish markazida saqlanayotgan qizlar oʻrtasida oʻtkazilayotgan “Kelajak sari” profilaktik tadbirining beshinchi kunida tadbir ishtirokchilari orasida diniy ekstremizm, terrorizm va aqidaparastlik oqimi va gʻoyalari taʼsiriga tushib qolmasliklarini oldini olish maqsadida, Imom Termiziy xalqaro ilmiy-tadqiqot markazi ilmiy xodimi Umarali Oʻljayev hamda viloyat bosh otinoyisi Xosiyat Qosimovalar tomonidan maʼruzalar qilindi.

Davra suhbati davomida, “Imom Termiziy” xalqaro ilmiy-tadqiqot markazi ilmiy xodimi Umarali Oʻljayev tomonidan terrorizm va ekstremizm oqimiga dinni niqob qilib olib, ijtimoiy tarmoqlar orqali turli xildagi oqim taʼsiriga tushib qolgan yoshlar haqida, buning salbiy oqibatlari haqida soʻz yuritdi, viloyat bosh otinoyisi Xosiyat Qosimova tomonidan qizlar tarbiyasi, shukronalik hissi, oiladagi tarbiya, ayollik baxti, qiz farzand tarbiyasi, hayo va ibo, ona boʻlish baxti kabi mavzularda tadbir qatnashchilari bilan oʻrtoqlashdi.

Bundan tashqari Ichki ishlar organlarida uzoq yillar davomida, yuqori lavozimlarda ishlab nafaqaga chiqqan ayol faxriylar bilan ham davra suhbatlari tashkil etilib, unda koʻp yillar ichki ishlar idoralarida samarali mehnat qilib hozirgi kunda nafaqada boʻlgan, nafaqadagi podpolkovnik Salomat Kattayeva tomonidan qizlarni toʻgʻri yoʻlga boshlash yuzasidan hamda baxt tushunchasi unga erishishda nimalarga eʼtibor berish lozimligi haqida, oʻzining sohada ishlagan davrlaridagi hayotiy misollar bilan maslahatlarini berishdilar.

Kunning ikkinchi yarmida Termiz shahridagi 1-sonli maktabning psixologi Sitora Saidaxmatova hamda markaz psixologi kapitan Mohida Joʻrayevalar tomonidan qizlar bilan shaxs xususiyatlarini oʻrganib, ijtimoiy psixologik soʻrovnoma oʻtkazilib, temperamentni aniqlash metodikasi oʻtkazildi.

Kun davomida reja asosida Kambagʻallikni qisqartirish va bandlik boshqarma, Angor tumani “Ishga marhamat” monomarkaziga sayohat uyushtirilib, u yerdagi sharoitlar bilan tanishtirildi va guruhlarga ajratilib, kasb-hunar oʻrgatish mashgʻulotlari tashkil etildi. Tadbir yakunida har bir qizlarga monomarkazda oʻrgangan kasb-hunari yuzasidan sertifikatlar taqdim etiladi.

“Kelajak sari” profilaktik tadbiri davom ettirilmoqda.

Surxondaryo viloyati IIB Axborot xizmati