IIV Malaka oshirish instituti professor-oʻqituvchilari uchun Koreya Respublikasi Markaziy Politsiya Akademiyasida navbatdagi treninglar boshlandi
2024-10-30 10:00:00 / Yangiliklar
Koreya xalqaro hamkorlik tashkiloti (KOICA)ning “Oʻzbekiston Respublikasi Ichki ishlar vazirligi Malaka oshirish institutida Simulyatsiyalashgan oʻquv markazini tashkil etish boʻyicha salohiyatni oshirish” loyihasi doirasida IIV Malaka oshirish instituti professor-oʻqituvchilari uchun Koreya Respublikasi Markaziy Politsiya Akademiyasida joriy yilning 28-oktyabr kunidan navbatdagi treninglar oʻtkazilmoqda.
Mazkur treninglardan koʻzlangan maqsad Koreyaning sud-tibbiy ekspertizasi tizimi hamda giyohvandlik vositalari va psixotrop moddalarni tekshirish borasida ilgʻor tajribalarini oʻrganishga qaratilgan.
Trening dasturiga muvofiq, Koreyada olib borilayotgan ilmiy-tadqiqotlar (ekspertizalar), Hodisa joyini kuzatuv va identifikatsiya qilish jarayonlari, Hasharotlar tomonidan qoldirilgan belgilar yordamida oʻlim vaqtini baholash va DNK, Yongʻinni aniqlash va qon dogʻlarini tahlil qilish, Kriminalistik yorugʻlik manbasidan foydalangan holda suratga olish nazariyasi va amaliyoti, Koreyada giyohvandlik moddalarni tekshirish tushunchasi, Koreyada giyohvandlik bilan bogʻliq jinoyatlarni tergov qilish nazariyasi, Gumonlanuvchilarni tergov qilish jarayonini kuzatish, Bolalar va oʻsmirlar uchun giyohvandlik vositalari boʻyicha profilaktik taʼlim, Ijtimoiy tarmoqlar orqali giyohvand moddalarni tergov qilish va hibsga olish kabi mavzularda mashgʻulotlar olib borilmoqda.
Shuningdek, Seul shahar politsiya agentligining Sud-tibbiy ekspertiza boʻlimi, Koreya politsiya muzeyi, Politsiya inson resurslarini rivojlantirish instituti, politsiya itlarini umumiy tayyorlash markazi hamda Koreya Markaziy politsiya akademiyasiga amaliy tashriflar amalga oshiriladi.
IIV Malaka oshirish instituti