Nukus shahrida Qoraqalpogʻiston Respublikasi Ichki ishlar vaziri polkovnik Baxtiyar Torebekovning sayyor qabuli oʻtkazildi
2024-10-26 09:00:00 / Yangiliklar
Joriy yilning 24-oktyabr kuni Nukus shahridagi “Istiqlol” bolalar dam olish markazida Qoraqalpogʻiston Respublikasi Ichki ishlar vaziri, polkovnik Baxtiyar Torebekovning sayyor qabuli oʻtkazildi.
Qabul jarayonida fuqarolar vazirga Ichki ishlar organlariga oid, shuningdek, ijtimoiy hayotidagi oʻz masala va muammosini aytib, atroflicha javob olishdi.
Qabul davomida har bir murojaat tegishli mutaxassislar ishtirokida, joyida atroflicha oʻrganib chiqildi. Eʼtiborlisi murojaatlarning koʻpchiligi joyida ijobiy yechim topdi. Koʻrib chiqish muddat talab etadigan murojaatlarning ijrosi nazoratga olindi.
Albatta, bu kabi sayyor qabullarni oʻtkazishdan koʻzlangan asosiy maqsad inson qadri ustuvor darajaga koʻtarilgan jamiyatimizda fuqarolarning kundalik turmush tarzida uchrayotgan muammolarni joyiga borib bartaraf etib, ularni hayotidan rozi qilishdir.
Qoraqalpogʻiston Respublikasi IIV Axborot xizmati