“Zakovat” intellektual oʻyini poytaxtimizdagi “Zakovat arena”da Ichki ishlar xodimlari kuni munosabati bilan uyushtirildi
2024-10-24 09:00:00 / Yangiliklar
Yoshlar ishlari agentligi va Yoshlar ittifoqi Toshkent shahar hududiy kengashi bilan hamkorlikda tashkil qilingan bellashuvda Ichki ishlar vazirligi akademiyasida taʼlim olayotgan kursantlardan iborat 103 ta jamoa qatnashdi.
Tadbir avvalida “Zakovat” intellektual klubi prezidenti Abdurashid Abdullayev soʻzga chiqib, jamoalarni qizgʻin qutladi. Yurtimizda kitobxonlikni ommalashtirish, ilm-maʼrifatli yoshlar safini kengaytirish maqsadida tashkil qilingan loyida nafaqat mamlakatimiz, balki qoʻshni davlatlarda ham ommalashib borayotganini eʼtirof etdi.
Bilim, tafakkur va intellektual salohiyatni toblagan oʻyin davomida ishtirokchilarga 24 ta savol yoʻllandi. Jamoalar har bir savolga aniq va toʻgʻri javob berishga, musobaqa gʻolibi boʻlishga intildilar.
Qiziqarli bahslarga boy oʻtgan oʻyin yakunida 3-bosqich kursantlarining “Iqtidorli yuristlar” jamoasi eng koʻp ochko toʻplab, akademiya boshligʻi kubogi, diplom, “Bilimdon” stol oʻyini hamda esladik sovgʻa bilan taqdirlandi.
Shuningdek, eng faol jamoalar va kursantlar tadbir tashkilotchilari tomonidan munosib ragʻbatlantirildi.
IIV Akademiyasi Axborot xizmati