Vazir oʻrinbosari general-mayor Baxodir Mirzaraximov Xorazm viloyatida aholi muammolari, turar joylar va ijtimoiy soha obyektlarining kuz-qish mavsumiga tayyorgarligini oʻrganmoqda
2024-10-16 16:45:00 / Yangiliklar
Oʻrganishlar davomida Ichki ishlar vaziri oʻrinbosari, general-mayor Baxodir Mirzaraximov tomonidan Xorazm viloyatining Xonqa tumani hududlaridagi maktablarda oʻquvchi va oʻqituvchilar uchun yaratilgan shart-sharoitlar, aholi yashash xonadonlari va ularning kuz-qish mavsumiga tayyorgarlik holati, koʻrilgan xavfsizlik chora-tadbirlari, profilaktika inspektori va mahalla yettiligining amalga oshirilgan ishlari atroflicha tahlil qilinib, jinoyatchilik va huquqbuzarliklarni sodir etilishining oldini olish yuzasidan bir qator ustuvor vazifalar belgilandi.
Tuman masʼul vakillari bilan, tuman hokimiyati, taʼlim muassasalarining isitish tizimlari, tumanda qurilayotgan yangi 10 ming kilovattlik podstansiya qurilishi ishlari bilan tanishib, masʼul xodimlarga bu borada amalga oshirilishi lozim boʻlgan ishlar yuzasidan qoʻshimcha koʻrsatmalar berildi.
Shuningdek, mazkur tumanlardagi ishchi guruh faoliyati koʻzdan kechirilib, amalga oshirilayotgan ishlar bilan yaqindan tanishildi.
Vazir oʻrinbosarining Xorazm viloyatidagi oʻrganishlari davom etmoqda.
IIV Transport va turizm obyektlarida xavfsizlikni taʼminlash departamenti Axborot xizmati