Navoiy viloyati IIB xodimalari ishtirokida voleybol musobaqasi oʻtkazildi
2024-10-15 09:00:00 / Yangiliklar
Ayollar oʻrtasida ommaviy sportni yanada rivojlantirish, sogʻlom turmush tarzini targʻib etish maqsadida Navoiy viloyati IIBda xizmat olib borayotgan shahodatlangan xodimalar ishtirokida voleybol musobaqasi tashkil etildi.
Navoiy viloyati IIB Jamoat xavfsizligi xizmatining ayol xodimlaridan tashkil topgan “Jamoat posbonlari” jamoasi 3-oʻrinni, Huquqbuzarliklar profilaktikasi boshqarmasi xodimalaridan iborat “Femida” jamoasi esa 2-oʻrinni egalladi.
Boshqarma Apparati xodimalarining “Toʻmaris” jamoasi peshqadamlardan boʻlib musobaqaning 1-oʻriniga munosib deb topildi.
Bundan tashqari Tergov, Migratsiya va fuqarolikni rasmiylashtirish hamda Huquqiy statistika va tezkor hisob maʼlumotlar boʻlimining “Nihol” jamoasi chiroyli oʻyin muallifi sifatida eʼtirof etilib “Gʻalabaga boʻlgan intilishi uchun” nominatsiyasining sohibi boʻldi.
Gʻolib jamoalar boshqarmaning diplom, medal va qimmatbaho sovgʻalari bilan mukofotlandi.
Navoiy viloyati IIB Axborot xizmati