Ichki ishlar vaziri oʻrinbosari general-mayor Baxodir Mirzaraximov Xorazm viloyati Bogʻot tumanida oʻrganishlar olib bormoqda
2024-09-30 10:00:00 / Yangiliklar
Avval xabar berganimizdek, ichki ishlar vaziri oʻrinbosari, general-mayor Baxodir Yuldashevich Mirzaraximov Xorazm viloyatida oʻrganishlar olib bormoqda.
Navbatdagi oʻrganishlar Xorazm viloyatining Bogʻot tumanida boʻlib, tumanning hududida jamoat tartibini saqlash, aholi xavfsizligini taʼminlash va huquqbuzarliklar profilaktikasi boʻyicha amalga oshirilayotgan chora-tadbirlar, ijtimoiy soha obyektlarining kuz-qish mavsumiga koʻrilgan tayyorgarliklari oʻrganildi.
Mazkur tumanning ijtimoiy soha obyektlari, aholi yashash xonadonlari hamda taʼlim muassasalari koʻzdan kechirilib, aholi uchun yaratilgan sharoitlar, kuz-qish mavsumiga koʻrilgan chora-tadbirlar bilan yaqindan tanishib, tumanlarda joylshgan elektroshitlar koʻzdan kechirilib, masʼul xodimlarga amalga oshirilishi lozim boʻlgan koʻrsatmalar berildi.
Shuningdek tumanining IIB faoliyati koʻzdan kechirilib, mahalla fuqarolari yigʻinlarida joylashgan ichki ishlar organlari boʻlimi binolari tekshirildi.
Vazir oʻrinbosari tomonidan, xizmatni tizimli ravishda masʼuliyat va hushyorlik bilan tashkil etish, jamoat xavfsizligini taʼminlash maqsadida aniq belgilangan yoʻl xaritasi boʻyicha ish tashkil etish, ayniqsa profilaktik targʻibot tadbirlarini kuchaytirish, zamonaviy ilgʻor texnologiyalar imkoniyatlaridan keng foydalanish, kameralashtirish orqali hududlarni toʻliq qamrovga olish va boshqa masalalar yuzasidan masʼullarga tegishli vazifalar yuklatildi.
Shuningdek, mazkur tumanlardagi ishchi guruh faoliyati koʻzdan kechirilib, amalga oshirilayotgan ishlar bilan yaqindan tanishildi.
Vazir oʻrinbosarining Xorazm viloyatidagi oʻrganishlari davom etmoqda.
Xorazm viloyati IIB Axborot xizmati