Hamkorlik aloqalari muhokama qilindi
2024-09-18 15:00:00 / Yangiliklar
Joriy yil 17-sentyabr kuni Rossiya Federatsiyasi IIV Transport bosh boshqarmasi boshligʻining birinchi oʻrinbosari politsiya general-mayori Dmitriy Aleksandrovich Demin hamda Oʻzbekiston Respublikasi Ichki ishlar vaziri oʻrinbosari general-mayor Baxodir Mirzaraximov oʻrtasida ikki tomonlama uchrashuv boʻlib oʻtdi.
Uchrashuvda tomonlar ikki mamlakat ichki ishlar vazirliklari oʻrtasidagi hamkorlik soʻngi yillarda rivojlanib borayotganligini, jinoyatchilikka qarshi kurashish, jamoat xavfsizlikni taʼminlash hamda oʻzaro tajriba almashish sohalarida yuqori natijalarga erishilayotganligi eʼtirof etib, koʻp qirrali hamkorlikni kengaytirish borasidagi masalalarni muhokama qildilar.
Tadbir doʻstona va konstruktiv ruhda oʻtdi.
Shuningdek, uchrashuvdan soʻng mehmonlarga Transport va turizm obyektlarida xavfsizlikni taʼminlash departamentida barpo etilgan Situatsion tahlil markazi faoliyati bilan tanishtirildi.
IIV Transport va turizm obyektlarida xavfsizlikni taʼminlash departamenti