Kadrlar siyosatini toʻgʻri yoʻlga qoʻyish, boʻsh lavozimlarni munosib nomzodlar bilan jamlash ish samaradorligining mezonidir
2024-09-17 16:10:00 / Yangiliklar
Ichki ishlar boshqarmasida boshqarma boshligʻi podpolkovnik Ikromjon Tursunov, boshqarma boshligʻining oʻrinbosarlari, tegishli sohaviy xizmatlar rahbarlari hamda shaxsiy tarkib ishtirokida viloyat ichki ishlar organlarining boʻsh boʻlgan ofitserlik hamda safdorlik lavozimlarini munosib nomzodlar bilan jamlash borasidagi shaxsiy tarkib boʻyicha buyrugʻi eʼlon qilindi.
Boshqarma boshligʻi yangi lavozimlarga tayinlangan xodimlar bilan birma-bir suhbatlashib, ularning kelgusidagi ustuvor vazifalarini belgilab berdi.
Shuningdek, viloyat ichki ishlar organlarida kadrlar siyosatini toʻgʻri va adolatli olib borish, tizimni xalqchil tuzilmaga, fuqarolarning chinakam himoyachisiga aylantirish, xodimlarni Vatanga va kasbiga sadoqat ruhida tarbiyalash, taraqqiyotning eng asosiy toʻsiqlaridan biri boʻlgan korrupsiogen holatlarga qarshi keskin va ayovsiz kurash olib borish lozimligini qayd etib oʻtdi.
Bundan tashqari, xizmat intizomi va qonunchilik talablarini buzgan har qanday toifadagi masʼul rahbar va xodimlarga nisbatan keskin intizomiy taʼsir choralari qoʻllanilishi qatʼiy belgilandi.
Buxoro viloyati IIB Axborot xizmati