IIV Qorovul qoʻshinlari qoʻmondonligi va 7531-son harbiy qism shaxsiy tarkibi bilan ertalabki mashgʻulotlarga va xizmat joylariga tarqatuv tadbiri oʻtkazildi
2024-09-10 11:10:00 / Yangiliklar
Tadbirni Qorovul qoʻshinlari qoʻmondoni polkovnik X. Batirov kirish soʻzi bilan ochib berib, oʻtgan oy davomida Qoʻshin tomonidan belgilab berilgan vazifalar yuqori darajada bajarilganligi, Qoʻshin safiga Oʻzbekiston Respublikasi Qurolli Kuchlar Akademiyasini bitirib kelgan 43 nafar oliy maʼlumotli yosh ofitserlar qabul qilinganligi taʼkidlandi.
Taʼkidlash lozim xizmatga qabul qilingan yosh xodimlar bilan 7531-son harbiy qism negizida 14 kunlik oʻquv-yigʻinini oʻtkazish rejalashtirilgan boʻlib, ularga malakali ofitserlar tomonidan Qorovul qoʻshinlariga yuklatilgan jangovar vazifa, xizmat faoliyatidagi asosiy yoʻnalishlar boʻyicha amaliy bilim va koʻnikmalarni shakllantirish, oʻrgatish maqsadida mashgʻulotlar belgilangan.
Mashgʻulotlar harbiy qismning oʻzida va mavzulardan kelib chiqib joylarga chiqilgan holda oʻrgatiladi. Yosh ofitserlarga ushbu mashgʻulotlar davomida oʻzlarini qiziqtirgan savollariga javob olishlari, amaliy tajribalarini shakllantirishlari va xizmat faoliyatlari davomida qoʻllashlari zarurligi toʻgʻrisida kerakli tavsiyalar berib oʻtildi.
Shuningdek, tadbir davomida Qorovul qoʻshinlari qoʻmondoni polkovnik X. Batirov tomonidan Ichki ishlar vazirining buyrugʻiga asosan navbatdagi podpolkovnik harbiy unvonini olgan ofitserlar tabriklanib, ularning kelgusidagi masʼuliyatli va sharafli boʻlgan xizmat faoliyatlariga omad tilandi.
IIV Qorovul qoʻshinlari bosh boshqarmasi