Toshkent shahrida “Huquqbuzarliklar profilaktikasi va jinoyatchilikka qarshi kurashish sohasida yetuk professional kadrlarni tayyorlash: tendensiyalar va istiqbollar” mavzusidagi xalqaro ilmiy-amaliy konferensiya oʻtkaziladi
2024-09-03 14:00:00 / Yangiliklar
Oʻzbekiston Respublikasi IIV Akademiyasining 30-yilligi munosabati bilan joriy yilning 4-sentyabr kuni Toshkent shahrida “Huquqbuzarliklar profilaktikasi va jinoyatchilikka qarshi kurashish sohasida yetuk professional kadrlarni tayyorlash: tendensiyalar va istiqbollar” mavzusidagi xalqaro ilmiy-amaliy konferensiya oʻtkaziladi.
Tadbirda mamlakatimizning davlat boshqaruv hamda huquqni muhofaza qiluvchi organlari rahbarlari, xalqaro tashkilotlar, BMT, YEXHTning Oʻzbekistondagi vakolatxonalari vakillari, shuningdek Koreya, Belarus Xitoy, Rossiya, Saudiya Arabistoni, Eron, Singapur, BAA, Armaniston, Qozogʻiston, Qirgʻiziston va Hindiston davlatlarining politsiya oliy oʻquv yurtlari rahbarlari qatnashadilar.
Shuningdek, konferensiya doirasida Oʻzbekiston Respublikasi IIV Akademiyasining Xitoy Xalq Respublikasi Jamoat xavfsizligi universiteti, Chjenchjou politsiya universiteti, Gongong politsiya instituti, Rossiya Federatsiyasi Rostov yuridik instituti, Ozarbayjon Respublikasi Politsiya akademiyasi hamda Hindiston Respublikasining Rashtriya Raksha politsiya universiteti oʻrtalarida hamkorlik memorandumlari imzolanishi rejalashtirilgan.